Эрчим хүчний чиглэлийн томоохон хөрөнгө оруулалт НӨАТ-аас чөлөөлөгдөх нөхцөл бүрдэнэ

Тус хуулийн төслийг   Засгийн газраас  анх боловсруулахдаа   зөвхөн газар тариалан эрхлэгчид тэр дундаа эх орны хөрсөнд тарьж ургуулсан буудай, жимс, жимсгэнийг  НӨАТ-аас  чөлөөлнө  гэж тусгасан байсан аж.  Харин  Засгийн газрын хуралдаанаар хэлэлцүүлэх шатанд Эрдэс баялаг, эрчим хүч, Зам, тээвэр барилга хот байгуулалтын сайд нар тус бүрдээ,  мөн зарим хөрөнгө оруулалтын ажилтай холбогдох зүйлүүдийг НӨАТ-аас чөлөөлүүлэх заалтыг төсөлд тусгуулсан гэж байсан.  Тэгснээр    ирээдүйд эрчим хүчний чиглэлийн томоохон хөрөнгө оруулалт НӨАТ-аас чөлөөлөгдөх нөхцөл бүрдсэн гэж байна. Мөн шинэ төмөр зам байгуулахтай холбоотой,   хөрөнгө оруулалтын зарим ажлуудад шаардагдах бараа, материалууд дээр ч НӨАТ-ын хөнгөлөлт үзүүлэх талаар тусгасан аж.

Гэхдээ гишүүдийн байр суурь янз бүр байсан. Татвар төлөгчдөд хөнгөлөлттэй байх нөхцөлийг төрөөс хуулиар олгох ёстой. Шууд хөнгөлж, чөлөөлөх асуудал байж болохгүй гэж байв. Харин  хуралдаанд оролцсон гишүүд  уг хуулийн төслийг хэлэлцэхийг дэмжлээ.